Jordsmonn?

Noko nytt

2010-02-23T18:22:00.002+01:00

I dag har eg ridd på hest! I snjoen, nett som Askepott.

Og det var ikkje like skummelt som eg trudde det kom til å bli.

Siddis Brass

2009-11-08T18:00:00.002+01:00

No har eg akkurat komme attende til Manger etter Siddis Brass i Satavnger. For dei av deke som lurer, so er det ein konkurranse for brass band, der ein spelar underhaldningsmusikk. Dette gjekk veldig bra,

ME VANN=)=)=)=)

faktisk!

Eg er støl

2009-10-27T21:46:00.009+01:00

Eg er sliten og støl! Eg har nemleg trent i heile dag! I valfag var me på ein gåtur som tok to timar. Etter den hadde eg gnagsår på føtene, og var skikkeleg stiv. Klokka fem var det hallingkurs med Martin Myhr. Å danse halling er jo kjempetungt. Ein skal sprette og hoppe rundt heile vegen som om det var ... Veit ikkje heilt kva eg skal samanlikne det med, men det er tungt i alle fall! Og som om ikkje det var nok, so gjekk eg, Amanda og Ida Beate i bassenget for å bade etterpå!!! So stort sett heile dagen har gått med til trening ... Bortsett frå eit par timar innimellom som eg har brukt til å øve kornett/trompet. No skal eg slappe av!

Bra

2009-10-12T12:26:00.006+01:00

I dag skal eg attende til Manger. Det blir bra. Til helga skal eg på konsert i salem. Kongshaug<3 Det blir i alle fall bra!

Sidan sist ...

2009-09-27T00:53:00.004+01:00

... har det hendt mykje! For det fyrste har eg blitt tante for fjerde gong. Ragnhild og Steven fekk ei lita jente 09.09.09! Ho heiter Sigrid Marlene=)

I kveld har eg feira 30-årsjubileumet til Brekke skulemusikkorps. Me heldt konsert i kyrkja, og seinare på kvelden var det festmiddag på skulen. Kjempestas! Me fekk sjå videoklipp med korpset frå 80- og 90-talet. Det var veldig kjekt. Eg har kosa meg supermykje=)

Hei, alle saman!

2009-09-04T22:24:00.006+01:00

No har eg gått ca ei veke på Manger Folkehøgskule, og eg trivast ganske bra. Det er mange flinke og kjekke folk der. No er eg veldig trøytt etter ei veke på leir. Sidan me verken får lekser eller karakterar, er me konstant på leir utan å få dårleg samvet. Det er jo fantastisk! Det finst mange kjekke personlegdomar på skulen. Ho eg bur på rom med, t.d., heiter Helene, og er veldig grei og moro.
Det som fyrst slo meg som den største forskjellen mellom Kongshaug og Manger, var språket og ein del av samtaleemna. Men eg har det veldig bra, og trivast=)

På sundag må de forresten skru på radioen att, og få med deke neste sending i serien "Gudstenester frå Gulen".
På orgel: Olav Brennsæter
På kornett: Jorunn Evensen
(Det er òg andre medverkande)!

Fylgj med, fylgj med!!!

Endeleg!

2009-08-23T14:55:00.001+01:00

No er eg endeleg ferdig med sommarjobben for i år! Eg hadde mi siste vakt i dag, og det kjennest fantastisk å vere ferdig=)

No gler eg meg til å begynne på folkehøgskule.

Eikanger-Bjørsvik

2009-08-14T22:12:00.003+01:00

Då har eg vore på mine to fyrste øvingar med Eikanger-Bjørsvik Musikklag! Det var utfordringar nok i massevis sjølv på 3. kornett. Me spelte på alt frå lett konsertstoff til pliktnummeret som skal vere på NM.

Jess!

2009-08-08T23:37:00.003+01:00

No går alt betre! Livet er fint=)
Det er herleg å få tyngande bekymringar ute av verda!

Radiogudsteneste!

2009-08-06T22:24:00.003+01:00

På sundag (den niande august) må alle høyre på radiogudstenesta klokka 11.00! Då er den nemleg frå Gulen kyrkje i Eivindvik (kommunesenteret i kommunen eg bur i), og eg spelar kornett på den!

Dette er noko DU ikkje bør gå glipp av!!!

Ja, akkurat

2009-08-04T18:07:00.005+01:00

No er det sol og fint vêr ute! Det var lenge sidan sist. Og snart kjem mamma, Ingeborg og Magne heim. Det er òg lenge sidan sist.

I forige veke var eg på besøk til Runa att. Då såg me på Paris Hilton's new bbf (British Best Friend) ... Det var kjekt. Eg har vore på besøk av Runa tidlegare i sommar òg. Fleire gongar. Den eine gongen pynta me kake.

Fylgj med!

Torsdag til lørdag skal eg vere instruktør på korpsleir. Det kan bli kjekt=) Eg håpar eg klarer å lære vekk noko vetig. Det viktigaste er vel å inspirere dei til å øve meir enn det dei allereie gjer frå før.

Ynskj meg lukke til!

iPod Classic

2009-07-24T13:25:00.003+01:00

I dag har eg kjøpt meg ein sånn!120 GB! Det er ikkje lite.

Giftings Og Sånt

2009-07-23T01:22:00.006+01:00

I skrivande stund stressar mamma, pappa, Ingeborg og Magne rundt i huset for å pakke ferdig til Ghanaturen. Dei reiser til Flesland om nokre få minutt, og eg får ikkje vere med=( Eg må vere her heime for å passe huset.

Jaja ... Det har ikkje heilt gått opp for pappa at han skal til Afrika. Sikkert fordi me har hatt andre ting å tenkje på dei siste vekene, nemleg bryllaupet til Ingeborg og Magne. (Og for dei som ikkje har fått med seg at dei har gifta seg, kan ta seg ein tur på nrk nettv. Dagsrevyen 17.07.09 ... )

HUGS Å BE FOR KRISTOFFER!

Glede=)

2009-07-08T09:49:00.002+01:00

No gler eg meg sinnsjukt, himla, drittmasse te GF!!!
Eg gler meg til å sjå alle saman att!

Men me skulle ha fått litt meir informasjon om når me skal møte og slikt. Jaja, det er jo Kongshaug, so ein kan jo ikkje forvente at alle beskjedar skal vere forståelege ...

Tanntråd

2009-06-26T11:29:00.007+01:00

Tannlegen i Lavik seier eg må bli flinkare til å bruke tanntråd ... Og fluor ... Men eg kjem aldri til å bli flink til å bruke tanntråd og fluor. Likevel kjøpte eg ein sånn tanntrådhaldar i dag då eg var der. Berre for å ikkje skuffe ho ... No kan ho i alle fall få tru at eg har begynt eit nytt og betre liv.

So kan eg sjå om eg skjønar korleis denne tanntrådgreia fungerar.

Mat og Sommar

2009-06-25T13:36:00.003+01:00

No er det skikkeleg sommar her i Brekke. Eg har til og med blitt solbrend! Ikkje at det skal so mykje til for at huda mi blir raud, då ...

Jonsokafta var Runa på besøk. Då var med nede ved sjøen heile kvelden og fyrte bål og åt mat. Og sang litt og spelte gitar. Og prata og kosa oss. Mamma og pappa hadde klart å skrape ihop nærare 30 personar til å feire ilag med oss, so då vart det liv=)

I går då eg og pappa køyrde Runa til Oppedal, sånn at ho kunne ta ferja heim att, fann me plutseleg ut at eg kunne jo komme på besøk til ho. So då gjorde eg det. Utan sko, pengar, eller badeklede! Difor var det fyrste me gjorde då me kom til Lavik, å gå på butikken. Der hadde nemleg Runa sett at dei hadde eit vekeblad der ein fekk ein bikini med på kjøpet. No kunne me bade masse=)

Elles bestod beøket i å ete mykje god mat. Me et heile tida når me er med kvarandre. Dei to siste dagane har eg vore veldig stappmett.

So da ...

Heisan, hoppsan

2009-06-17T17:59:00.004+01:00

No kan eg endeleg gjere det offisielt at eg har fått fast plass på tredjekornett i Eikanger-Bjørsvik. Det kan jo bli interessant ... :) Eg veit ikkje om eg har komme over sjokket enno, men me får no sjå korleis det går ...

Elles har Sjur bursdag i dag. 16 år, so då kan han lærekøyre. Han skal vere konfransier på avsluttingsfesten på skulen i kveld, og eg og Ragnhild har laga ei krune til han som han må bruke mot si vilje:)

Rydding og vasking

2009-06-10T18:47:00.002+01:00

Hovudinstrumenteksamen er ferdig, og det er berre èin eksamen att. I dag har det vore lesedag for oss som skal ha eksamen i musikkfordjuping i morgon. Lesedag? Eg meinte pakkedag. Me har nemleg begynt å pakke ned alle tinga våre.

Det er kjedeleg å pakke. No er alle veggane mine kvite og tomme.

Sånn er DET tenkt

2009-05-27T16:11:00.003+01:00

No er eg ferdig med dei to verste eksamenane! Men i morgon er det MIP-prøve, so det er vel litt tidleg å juble enno.

No er det berre 13 daggar att til hovudintstrumenteksamen!
For å sitere diverse folk som har kommentert bloggen min: UÆÆÆÆÆÆÆÆÆÆÆÆÆÆÆÆÆÆÆÆÆÆÆÆÆÆ!ÆUUUUUUUUUUUUUUUUUUUUUUUUUUUUU!

Hjelp!

2009-05-21T14:02:00.000+01:00

Det er 19 dagar att til eksamen i hovudinstrument ...

lkdfhjrognfffjfjfjf

2009-05-14T14:28:00.002+01:00

Jess! Eg kom opp i eksamen i musikkfordjuping 2! Det var kanskje ikkje so uventa, men eg må likevel juble over det her på bloggen min=) Elles kom eg òg opp i norsk sidemål ...

I går såg eg, Runa, Britt Linn, Ole Malvin og Endre ein episode til av Ally Mcbeal. Eg og Runa sat etter kvart i armane på kvarandre og fossgret. Eg har merka i det siste at eg kan begynne å grine utan å ha ein spesiell grunn (sjølv om grunnen var der under Ally-episoden ... ). Plutseleg renn det over, og eg kan ikkje stoppe det.
Det har sikkert med å gjere at livet på Kongshaug snart er over ...

Hm ...

2009-04-20T16:56:00.003+01:00

August, september, okober, november, desember, januar, februar, mars, april, snart mai ... Snart tentamen og eksamen og 17. mai. Snart avsluttingsfest. Og snart er mi tid på Kongshaug musikkgymnas forbi ... DET ER IKKJE TIL Å TRU! Eg trur eg må ha sovna, for det kjennest ikkje ut som eg har budd på Lepsøy so lenge. Tre år i Os kommune, tenk det ...

Og her kjem eg til det vanskelege: Korleis skal eg greie å både sikre meg karakterar som ikkje øydelegg for dei tre åra eg har bak meg med hardt (...) arbeid, og å vere masse, masse, masse (helst heile tida) med dei sinnsjukt drittku(e)le folka som er her?

Minner meg om oppgåvene i historie om å vurdere kjelder; umogleg!

Heng slaven for 17. mai!

2009-04-06T10:15:00.003+01:00

Min kloke pappa seier at den originale tydinga av ordet hurra, er heng slaven. Det er berre det at han ikkje hugsar kor han har fått denne informasjonen frå. Anten har han høryd det på radioen i eit program der dei snakkar om ord og sånt, eller so seier han at han har lese seg opp til det sjølv.

Men uansett; viss det er sant at hurra tyder heng slaven, er det jo skandaløst at me kan bruke det som eit utrop for glede og begeistring!

Heng slaven for deg som fyller ditt år, ja deg vil me gratulere ...

Tre gongar tre heng slaven!

Det å vurdere historiske kjelder.

2009-03-31T09:45:00.005+01:00

Det å vurdere historiske kjelder er ikkje mi greie. For det fyrste er kjelda (som oftast ein teksten) vanskeleg å forstå, særleg viss eg er litt trøytt og ukonsentrert. Det er so mange vanskelege ord i både tekst og oppgåve, at det lite sansyn for at eg klarer å gjennomføre det. Kjeldeskjemaet inneheld mange spørsmål som er umogleg for ei som meg å svare på.

Her er skjemaet me skal fylgje:

Framgangsmåte for å vurdere en historisk kilde (kildeskjema).En kilde vil ofte bare kunne gi svar på noen av spørsmålene nedenfor. Hopp over spørsmål som ikke passer til den kilden du studerer. Du kan skrive svarene i et Word-dokument.
1. Plassering av kilden
Hva er kilden?
Hvor og når ble den til?
Hvem har laget den?
Hvordan er den brukt?
I hvilken grad er det sannsynlig at kilden kan være en forfalskning?
2. Hva kilden sier om den tida den ble til i
Hvorfor ble kilden til, og hva sier det at den er blitt til, om fortida?
Hva røper kilden om den personen (eller de personene) som står bak kilden?
Hva forteller kilden om organiseringen av det samfunnet den ble til i?
3. Kilder som inneholder fortellinger om tida før kilden ble til.
Overordnet spørsmål: Hva forteller kilden, og hva kan jeg stole på?Hjelpespørsmål som har betydning for i hvilken grad man kan tro på det kilden forteller om fortida:
Hvor stor var tidsavstanden mellom hendelsen og nedskrivningen?
Dersom det er en sekundærkilde, hvilke andre kilder kan den bygge på, og hva kan man si om deres troverdighet?
Er beretningen førstehånds? (Det vil si: var fortelleren vitne til hendelsen?)
Kan noen av opphavspersonene på noen måte sies å være part i saken, og hvordan kan dette ha påvirket kilden? (Her vil vurderingen av kilden under punkt 2 ha betydning.)
Er det som kilden forteller, sannsynlig? (Det vil ofte si om det er i overensstemmelse med andre kilder.)Konklusjon: Hva er svakhetene og styrkene ved fortellingene om fortida i denne kilden? I hvilken grad er det som blir fortalt, troverdig?
4. Kilden pirrer til nye spørsmål
Hva ville du gjerne fått svar på som denne kilden ikke sier noe om?
Hvilke nye spørsmål er viktig å stille?

Eg gir opp!!!!!!!!!!!!!!!!!!!

Heiheihei

2009-03-20T11:42:00.003+01:00

No er eg heime åleine, og tenkjer på dei som sit på skulen og har religion akkurat no - Eller var det historie, kanskje ... ?

Eg tenkjer at neste veke blir mykje hardt arbeid. Det blir spennande å sjå korleis prosjektet vårt blir til slutt. Men eg gler meg veldig til me er ferdige med det. Då kan eg endeleg begynne å tenkje på andre ting!

Det hadde vore kjekt å skrive noko skikkeleg gjennomtenkt og sånt, men eg kom ikkje på noko no. Det får bli ein annan gong!

Ha ein rabarbra dag=)

Vinterferie

2009-03-05T12:45:00.004+01:00

Ja, so var eg i gang med blogginga att. Etter eitt og eit halvt år med pause, fann eg ut at no er tida inne for å begynne att.

Dei siste dagane har eg brukt til å feire bursdagen te mamma og te meg og Britt Linn. So har eg vore på korpsøving og slikt. Elles har eg site mykje framføre datamaskina og spelt kabal og minesveipar. Eg har òg spelt hugsespelet (memory) med Ragnhild, Sjur og mamma, og leika masse med nevøen min, Kesley Auguste. I går tok eg ein spontantur til Lavik for å gå på bygdekino med Runa. Ho sende meg invitasjon til å vere med ca fem min før me måtte køyre for å rekke ferja.

I dag har eg brukt litt av dagen på å finne småstein saman med Ragnhild. Desse trengde mamma for å potte om diverse plantar.

I går fekk eg ein ny nevø. Broren min, Karl og kona hans, Kathrine, fekk ein son som skal heite Halvard! Gratulerer til dei=)

Eg kom til å mimre attende til konfirmasjonen til Sjur, då alle me syskena var samla på same stad samtidig! Det er ikkje ofte det skjer no for tida=)

Ei lita oppdatering ...

2007-07-02T13:14:00.001+01:00

Eg fann ut at eg hadde ei ledig stund til å oppdatere bloggen min. Eg vil nytte sjansen til å fortelje litt kort om kva eg har gjort so langt i sommar.

Den 15. juni reiste eg, og litt av familien med ein venn/ein slekting opp på stølen, og overnatta ei natt der.

Jonsokhelga var korpset eg spelar i med på nm for skulekorps i Stavanger. Me spelte i andre divisjon, og kom på fjerdeplass med 90 poeng. Dette var kjempekjekt, og me var i strålande humør heile gjengen for at me hadde gjort det so bra=)

Eg har jobba (og kjem til å gjere det utover stort sett heile sommaren) på sjukeheimen i kommunesenteret. Der har eg vaska det meste frå romper til koppar og tallerkenar, og det er ikkje so gale som eg frykta.

Når eg ikkje er på jobb, passar eg Ragnhildsystra sin vetle gut. Det er veldig koseleg. Faktisk passar eg han akkurat no, men han søv, og dermed har eg tid til å sitje her.

Eg badar ein del sånn innimellom når eg har tid. Vatnet er herleg!

Det vert òg ein del grilling når det er fint vêr. Eg byrjar faktisk å verte lei grillmat no ...

Til Karoline og Synøve <3

2007-05-11T14:25:00.000+01:00

ok. Etter oppfordring frå Karoline, skal eg no skrive nokre ting om meg sjølv som eg kunne ha skrive på "tikken". Men eg skal late som om eg berre fekk lyst til å skrive noko, og at dette ikkje har noko med "tikken" å gjere. DETTE HAR INGENTING MED "TIKKEN" Å GJERE!

Då eg var tre år drukna eg i Dammen nede ved sjøen. Eg hadde kjole og sandalar på meg. Heldigvis kom systra mi og redda meg. I ettertid har eg skryte av at eg har drukna med kjole og sandalar.
Yndlingsrettane mine er speilegg, eggerøre og eggeomelett.
ein sommar då eg var åtte-ni år vart eg skikkeleg lurt av den galnaste storesystra mi. Eg var litt redd for å bade der det var djupt, men eg kom meg no uti til slutt. Systra mi og nokre andre var allereie uti, då det flaut noko plastikk forbi som eg ikkje såg. Eg hørde berre at dei spurde kva det var, og systra mi sa det var ein kondom. "Ka e ein kondom?" spurde eg. "Da e ein stor kval", sa systra ... Og eg symde livredd inn att til land.
Då eg var to år klemstra Bård fingen min i døra. Eg var ein skikkeleg skrikarunge då eg var lita, so storesyskena mine som passa oss tenkte ikkje over at eg stod og skreik. Då dei syntest eg hadde skrike litt vel lenge, opna dei døra, slik at eg fekk fingen laus. Då hang og slang store delar av det ytste leddet som ei skinnfille.
Eg boksa Bård midt i fjeset og sa "du ska fao deg ein" då eg var lita. HAHA

Tikk takk

2007-04-17T17:54:00.000+01:00

Ja ... Det var det tikket som eg fekk for ein månad sidan ... Eg melder no avbod på dette tikket. Eg har eit problem når eg skal skrive noko om meg sjølv som ikkje andre veit; eg treng ein månad på å finne fem ting (eller kor mange det var eg skulle finne), og no når eg har funne nokre interresante element om meg sjølv, er det altfor lang tid sidan eg fekk oppgåva. Jaja, nok om det, og over til noko heilt anna: På laurdag er det vårfest. Det vert stas, berre eg får til alt eg skal spele ... Men eg må sei at det er veldig morosamt å vere med på ein slik konsert. "Ekko av Grieg". Det høyrest stort ut, og det er det òg!

Eg kom til å tenkje på noko då eg skreiv om "tikket" for litt sidan. Det er lenge sidan eg har hoppa strikk. Eg ikkje kvifor eg kom til å tenkje på det, men det kan ha med å gjere at "strikk" kan høyrest ut som "tikk".

"Strikk strakk
buksa sprakk ..."
Osb.

PS. Om det er nokon som er veldig interresert (Korleis skriv ein det ordet eigentleg?) i å høyre kva eg kunne ha skrive på "tikken" min, kan dei sei ifrå.

Sant nok...

2007-03-17T15:39:00.000+01:00

Etter vinterferien fekk me høyre at denne perioden som kjem no, ville verte den mest slitsomme arbeidsperioden i løpet av året. Då eg fekk høyre dette, tenkte eg fylgjande: ja, sikkert... (ironisk tenkt). Men det viste seg at lærarane hadde rett. No kjem det so mange prøvar og lekser at eg nesten ikkje orkar å byrje. Litt trøyst er det likevel i at det snart er påskeferie. Faktisk berre to skuleveker att...

Forresten, so har Laila komme inn pao Kongshaug=) Ho spelar althorn i korpset heime, og er kjempeflink! Gler meg til ho skal byrje!

Vår!

2007-03-07T20:17:00.000+01:00

I dag er det verkeleg vår! Det er (eller var tidlegare i dag) mildt ute og ei kjempestrålande sol. Dette måtte berre feirast, so eg, Veslemøy, Runa, Ole Malvin og VÅRin gjekk ein tur til fyret for å ta eit skikkeleg vårhyl. Slik som Ronja Røvardotter gjer det. Då me var der og kosa oss, gjekk det opp for oss at det ikkje er so lenge att før sommarferien. Det vil sei; det er ikkje so lenge til me ikkje går i fyrste klasse lenger, og skal byrje i andre... grøss!

Men turen var herleg! No kan du berre angre på at du spelte fotball i staden, Synøve! Haha på deg.

Mimring

2007-02-24T14:53:00.000+01:00

Vinterferie!
Ei heil veke på å vere heime og ta det med ro. Det er jo berre heilt supert. Berre sitje og vente på at middagen skal verte ferdig, øve litt på instrument når eg kjenner behovet, lime inn bilete i album. Berre slike ting eg ikkje kan ta meg tid til elles.

I dag har eg nesten gjort alt dette. Livet er herleg!

Det er so fantastisk å sjå på bilete frå livet ditt, so ser du kor innhaldsrikt det eigentleg er. Difor held eg på med å lime inn album frå mitt liv. Dette er litt vanskeleg å få til, sidan eg ikkje er so ofte heime. Som ein konsekvens av den siste informasjonen, har eg snart heldt på med dette albumet i eit år, og manglar lang over halvparten. Men minst halve gleda er å jobbe med det, sjølv om eg gledar meg sjukt til å sjå eit ferdig album med meg og mitt liv. No høyrest det sikkert ut som om eg veldig sjølvoppteken, men men.

STRESS og TID

2007-02-20T20:49:00.000+01:00

No sit eg her framfor datamaskina og prøver å skrive ei oppgåve i kristentru. Det er ikkje enkelt, men eg veit det er godt når eg er ferdig. Dette er stress. '
Stress fordi eg tenkjer at eg aldri kjem til å verte ferdig,
stress fordi eg ikkje synest eg skriv ei bra oppgåve,
stress å kaste så mykje tid vekk på noko eg ikkje likar,
stress fordi eg ikkje skjønar kva som vert betre om eg gjer denne oppgåva,
stress fordi eg må vaske badet før i morgon,
stress fordi eg har andre lekser,
stress fordi eg har lyst til å øve kornett,
stress fordi eg har mykje å gjere som eg ikkje orkar begynne på,
stress fordi eg ikkje har lyst til å gjere noko,
stress fordi eg skriv dette i staden for å gjere noko,
stress fordi eg ikkje fekk tak i mamma og pappa på telefonen i dag,
stress fordi eg ikkje veit kva eg skal verte når eg vert stor.

Tankar om tid:
tid.
kva er det?
Er no ei anna tid enn då?
Kva tid er om 20 år?
Er i morgon ein bra dag?
Korleis kan ein time endre på korleis eg kjenner meg?
Er det lang tid?
har så lita td noko å sei?

No er det eg skreiv i stad fortid.
Historie.
Om eg ikkje hadde skrive det, hadde historia vore annleis.
Mi historie hadde vore annleis.
Hadde di?
Kan dette ha noko å sei for dei eg er med?

Korleis hadde det vore å leve i ei anna tid?
Hadde eg trengd å skrive oppgåve i kristentru då?
Ville det ha vore ei mindre stressa tid?
Eller meir?
Er denne tida eg lever i no,
er det den tida eg skal vere i?
Passar eg inn i mi tid?
Er eg nøgd med mi tid?

Ei tid vil eg kanskje vete.
Eller kanskje ikkje.

Men eg har levd mange fine år.
Mamma og pappa er gode, dei.

Korleis ville det vore om eg ikkje var i denne tida?
Om eg aldri var?
Det vill vore annleis, men ikkje for meg.
Eg ville ikkje vore.

Tenk at eg er meg.
Kan det sekundet eg vart til ein celleklump ha så mykje å sei?
Det var berre eit sekund,
eller kanskje eit tusendelssekund.

Då har no veldig mykje å sei.
Uansett kva eg gjer, har no noko å sei.
Det er vorte historie, og kjem aldri til å verte forandra.

Det var ein gong ei tid.
Det er ein gong ei tid.
Det kjem ein gong ei tid.

Lærdomen

2007-02-15T15:04:00.000+01:00

Sidan sist har eg lærd at gutar er minst like hysteriske som jenter når det kjem ti å stikke seg i fingeren sjølv. Me har tatt blodprøve i naturfagen i dag, og der fann eg ut at eg sannsynlegvis har blodtype o, eller 0, som det òg vert kalla (altså o eller null for dei som ikkje såg det).

Eg har sjølvsagt lærd meir enn dette, elles ville det vore litt bortkasta at eg brukar so mykje tid på skulen, men eg ser på dette som den viktigaste observasjonen eg har tatt.

2007-02-12T20:22:00.000+01:00

I dag har Synøve lært meg å lage blogg. Det tok seks minutt! Ho er ei effektiv jente=) Me får sjå kor mange fine tankar (om det vert nokon?) eg får innpå her etterkvart.

I dag har eg redda verda/vegen/nokon som leika at dei var i livsfare ... Me har og lært i forrige dramatime å overdrive, so da so.